.. فيلا تصوير مسلسل عشق ممنوع Ask-i-Memnu ..

[noor-elshams]

.. السلام عليكم ورحمة الله وبركاته ..

مرحبا بنوتات محبي ومتابعي مسلسل عشق ممنوع
هذي اول مشاركة لي معاكم رغم اني متابعة لكم من عدة اشهر
شكــــرا لكل فريق ترجمة المسلسل وبالاخص تـــــرف

اللي من قبلي حمست أختي للمسلسل وحمستني وياها لمتابعته
حبيت اشارككم هذه الصور اللي صورتها قبل اسبوعين تقريبا
خلال زيارتي لتركيا لـ فيلا مسلسل عشق ممنوع

في الصباح مرينا من عند القصر مرور بطريقنا لمنطقة كيليوس
وصورت هالصورة على السريع بس أكيد مو واضح فيها شيء

وبعد مارجعنا المغرب طلبنا من السواق يوقفنا في حديقة ساريار على البحر
واخذت كاميرتي ومشيت حتى نوصل لـ الفيلا.

واخيرا ظهرت قدامنا الفيلا وكان واضح انه فيه فريق العمل بيصورون في الصالة

قربنا اكثر حتى صرنا مقابل البيت تمام وكان فيه مجانين مثلنا بس اتراك طبعا
وهذا منظر البحر من قدام الفيلا وجلسنا على الكراسي ننتظر يمكن نشوف ابطالنا

طبعا كلكم تعرفون هـ الممر اللي هرب منه بهلول اول مرة وبيتر ثاني مرة
اختي كانت ناوية تمشي معاه لين توصل الحديقة الخلفية

اما البيت اللي بجنبهم اعوذبالله شكله بيت اشباح محروق ومسكون

نفسي اعرف السلم وش يسوي في بلكونة نهال

هنا شفنا بولنت والمدموزيل نازلين من الدرج بس ما امداني اصورهم للأفس الدشيش
وانتظرناهم يطلعوا بس شكلهم طولوا بالحديقة

الجو كان بارد جدا والوقت متأخر واهلنا مو على كيفنا ينتظرون
دقينا عليهم وجوا بالباص وركبنا ومشينا وهالرجال مسوي نفسه قوي
كل ماشاف الناس تصور يأشر لهم يقول لهم لا بس ما أحد يرد عليه

وهذا فندق الشيراتون اللي سكننا فيه واللي نزلت فيه بيتر يوم تركت البيت

دقت علي في يوم اختي الصباح بغرفتنا قالت شوفي من الشباك
فيه مجتمعين على البحر يمكن يكونوا يصورون مشهد من المسلسل

وخاب املنا وطلعوا يركبون قوارب شراعية

وهذي بعض الصور صورتها من رحلتنا لـ تركيا في الصيف
هالمكان اذا تذكرونه في الحلقة 58 يوم اشترى بهلول الورد لـ نهال
وقتها ماكنت اتابع المسلسل لكن اول ماتابعته وشفت المشهد تذكرت
المكان لاننا نزلنا وجلسنا فيه شوي ونزل علينا المطر كان الجو خيالي

ولان يومها كان ويك اند ووقت مغرب اتوقع انه ماكان الكل متواجد بالفيلا
لان في تصوير المسلسل غالبية الوقت صباح او ليل و كنت اتمنى يكون بين
هالصور صورة لـ الابطال لكن للافس الدشيش هذا اللي قدرت اصوره لكم

اللي يحب يعرف موقع الفيلا بس يروح اسطنبول ويروح منطقة ساريار
بيعرفه انا لاني زرت المنطقة كثير من قبل عرفته اول ماشفته بالمسلسل

.. تقبلوآ مني أعطر و أعذب تحية ..

 

الله يرحمك يا جدتي ويسكنك فسيح جناته

.. Flickr ..

.. من أقوآل الإمآم الشافعي رحمه الله ..

احفظ لسانك أيها المســـلم لا يلدغـــــــــك إنه ثعبــان

كم في المقابر قتيل لسـانـه كانت تهاب لقاءه الأقــران

لأي سؤال يخطر في بالكم تفضلوا هنــــا

آخر تعديل noor-elshams يوم 08-15-2010 في 10:47 PM.

[noor-elshams]

موقع الفيلا عن طريق قوقل ماب

رحت لموقع قوقل وكتبت في البحث google map istanbul

واللي يحب يشوف الطريق يتبع نفس الخطوة والصورة توضح الباقي





اضغطوا على كلمة اسطنبول مرتين حتى تظهر لكم كلمة ساريار

قربوا الصورة اكثر للمنطقة



نفس الشيء اضغطوا على كلمة ساريار حتى تقرب الصورة اكثر







للامانه انا احترت هي كانت في هذا المكان او هذا بس مجرد وصولكم المكان بتعرفوها





.. تقبلوآ مني أعطر و أعذب تحية ..